கேரள பல்கலைக்கழகங்களை கையிலெடுக்கும் ஆர்எஸ்எஸ்! -கருவியான கவர்னர்!!

கேரள பல்கலைக்கழகங்களை கையிலெடுக்கும் ஆர்எஸ்எஸ்!
-கருவியான கவர்னர்!!



கேரளாவில் உள்ள ஒன்பது பல்கலைகழகங்களின் துணைவேந்தர்கள் தங்கள் பதவியை ராஜினாமா செய்யுமாறு கூறியதற்காக அம்மாநில ஆளுநர் ஆரிப் முகமது கானை கேரள முதல்வர் பினராயி விஜயன் திங்கள்கிழமை கடுமையாக சாடியுள்ளார்.

செய்தியாளர்களிடம் பேசிய விஜயன், ஆளுநர் ஆரிப் முகமது கான் "ஆர்எஸ்எஸ்-ன் கருவியாக செயல்பட்டு" தனது அதிகாரங்களை தவறாகப் பயன்படுத்துகிறார் என்றார்.

“கவர்னர் தனக்கு இருக்கும் அதிகாரத்தை விட அதிக அதிகாரங்களை பயன்படுத்த அதிபர் பதவியை தவறாக பயன்படுத்துகிறார்.  இது ஜனநாயக விரோதமானது மற்றும் VC களின் அதிகாரங்களை ஆக்கிரமிப்பதாகும்.  கவர்னர் பதவி என்பது அரசுக்கு எதிராக செயல்படுவதற்கல்ல, அரசியலமைப்பின் கண்ணியத்தை நிலைநிறுத்துவதற்காக.  அவர் ஆர்.எஸ்.எஸ்-ன் கருவியாகச் செயல்படுகிறார்’’ என்றார் விஜயன்.

Kerala University

முன்னதாக, ஆளும் சிபிஐ(எம்) அரசு ஆளுநரின் இந்த நடவடிக்கையை ,  ஆர்எஸ்எஸ் உறுப்பினர்களை பல்கலைக்கழகங்களின் தலைமைப் பதவிக்கு நியமிக்கும் முயற்சி என்று கூறியது.

கடந்த அக் 23ம்தேதி, ஒரு அதிகாரப்பூர்வ அறிவிப்பில், கேரள ஆளுநர் ஆரிப் முகமது கான், கேரளாவில் உள்ள 9 பல்கலைக்கழகங்களின் துணைவேந்தர்களை ராஜினாமா செய்யுமாறு உத்தரவிட்டது குறிப்பிடத்தக்கது.  உச்ச நீதிமன்றத்தின் தீர்ப்பை உறுதி செய்து இந்த உத்தரவு பிறப்பிக்கப்பட்டுள்ளதாக ராஜ்பவன் பிஆர்ஓ குறிப்பிட்டார்.  ஆளுநர் கான் மாநிலத்தில் உள்ள பல்கலைக்கழகங்களின் வேந்தராகவும் உள்ளார்.

கேரளா பல்கலைக்கழகம், மகாத்மா காந்தி பல்கலைக்கழகம், கொச்சின் அறிவியல் மற்றும் தொழில்நுட்ப பல்கலைக்கழகம், கேரள மீன்வள மற்றும் கடல் ஆய்வு பல்கலைக்கழகம், கண்ணூர் பல்கலைக்கழகம், ஏபிஜே அப்துல் கலாம் தொழில்நுட்ப பல்கலைக்கழகம், ஸ்ரீ சங்கராச்சாரியா சமஸ்கிருத பல்கலைக்கழகம், காலிகட் பல்கலைக்கழகம் மற்றும் துஞ்சத் எழுத்தச்சன் மலையாளம்.  பல்கலைக்கழகம் ஆகிய
ஒன்பது பல்கலைக்கழகங்களின் துணை வேந்தர்களின் ராஜினாமாவை கோரியுள்ளார் ஆரிஃப் முஹம்மது்கான்.

Governor Arif Mohamed Khan

ஆளுநருக்கு எதிராக நவம்பரில் ஆளும் எல்.டி.எஃப் தொடர்ச்சியான ஆர்ப்பாட்டங்களை அறிவித்த சில மணிநேரங்களுக்குப் பிறகு இந்த அறிவிப்பு வந்துள்ளது.

இடது ஜனநாயக முன்னணி (எல்.டி.எஃப்) அரசாங்கம், கேரளாவின் உயர்கல்வித் துறையில் ஆர்எஸ்எஸ் இந்து பெரும்பான்மை செயல்திட்டத்தை திணிக்க ராஜ்பவன் முயற்சிக்கிறது என்று கருதுகிறது.

™ஆளுனர் தன்னை ஆர்எஸ்எஸ் ஆதரவாளர் என்று பிரகடனப்படுத்தியே செயல்படுகிறார்.
பல்கலைக்கழக விவகாரத்தில் ஆளுநரின் தலையீடு எதேச்சதிகாரமானது.  ஆர்எஸ்எஸ் உறுப்பினர்க்களை உள்ளே கொண்டு வர செனட் உறுப்பினர்கள் வாபஸ் பெறப்பட்டுள்ளனர். 

உயர்கல்வித்துறையை கட்டுப்படுத்துவதுதான் கவர்னரின் முயற்சி.  இதற்கு எதிராக எதிர்ப்பை உருவாக்குவதே இதன் நோக்கம்” என்று ஆளும் கட்சியான சிபிஐ(எம்) தலைவர் எம்.வி.கோவிந்தன் கூறியுள்ளார்.

கண்ணூர் பல்கலைக்கழக துணைவேந்தரும், பிரபல வரலாற்றாசிரியருமான கோபிநாத் ரவீந்திரன் ராஜினாமா செய்யப்போவதில்லை என்று தெரிவித்துள்ளார்.

Mahatma Gandhi University

“எனக்கு ஞாயிறு மாலையில் கடிதம் கிடைத்தது.  திங்கட்கிழமை காலை 11.30 மணிக்குள் ராஜினாமா செய்ய வேண்டும் என்று கூறப்பட்டுள்ளது ஆனால் இப்போது நான் ராஜினாமா செய்யப்போவதில்லை. என்னை நீக்குவதே முடிவு என்றால், என்னை   சுட்டுக் கொல்லட்டும், நான் ராஜினாமா செய்ய மாட்டேன், ”என டாக்டர் ரவீந்திரன் ஊடகங்களிடம் தெரிவித்துள்ளார்.

ஆரிப் முஹம்மது  கான் கேரளாவின் கவர்னராக நியமிக்கப் பட்டதிலிருந்தே கேரள அரசுக்கு  பல்வேறு வகையில் தொல்லைகளைக் கொடுத்து வருகிறார்.இதற்கிடையில், ஒன்பது  பல்கலைக்கழகங்களின் துணைவேந்தர்களுக்கு கடந்த அக் 23ம் தேதி, வழங்கப்பட்ட நோட்டீஸ்களைத் தொடர்ந்து வேந்தரான ஆளுநர் இறுதி உத்தரவு பிறப்பிக்கும் வரை அவர்கள் தங்கள் பதவிகளில் தொடரலாம் என்று கேரள உயர்நீதிமன்றம்  கடந்த அக் 24 ம்தேதி தீர்ப்பளித்தது.  முந்தைய தினம்  ஆளுநர் ஆரிப் முகமது கான் ராஜினாமா செய்யக் கோரிய துணைவேந்தர்கள் தாக்கல் செய்த மனுவை பரிசீலிப்பதற்காக நடைபெற்ற சிறப்பு அமர்வில், விசி நியமனங்கள்  சட்டவிரோதமாக இருப்பதற்கான முகாந்திரம் உள்ளதா என உயர்நீதிமன்றம் கேள்வி எழப்பியது.

ஆளுநரின் உத்தரவை நிராகரித்து, இந்த அனைத்து 9 விசிக்களும்  பதவியில் தொடருமாறு கேரள அரசு அறிவுறுத்தியதைத் தொடர்ந்து இந்த விவகாரம் அடுத்த கட்டத்தை எட்டியுள்ளது.

பல்கலைக்கழக மானியக் குழுவின் விதிமுறைகளை மீறியதற்காக ஏபிஜே அப்துல் கலாம் தொழில்நுட்பப் பல்கலைக்கழகத்தின் துணைவேந்தராக எம்எஸ் ராஜஸ்ரீ நியமனம் செய்யப்பட்டதை ரத்து செய்த உச்ச நீதிமன்றத்தின் அக்டோபர் 21ஆம் தேதி உத்தரவை மேற்கோள் காட்டி, ஆளுநர் ஆரிப் முகமது கான் அந்த ஒன்பது துணைவேந்தர்களின்   நியமனம் சந்தேகத்திற் குரியவையாக இருப்பதாகக் கூறி . ராஜினாமா செய்ய உத்தரவிட்டார். 
கவர்னரின் முடிவை முதல்வர் பினராயி விஜயன் வெளிப்படையாக விமர்சித்ததால், இந்த விவகாரம் மாநில அரசுக்கும் ஆளுநருக்கும் இடையேபெரும் கொந்தளிப்பாக மாறியது.

APJ Abdul Kalam Technological University

இதற்கிடையில், ராஜினாமா செய்ய மறுத்த துணைவேந்தர்களுக்கு  காரணம் கேட்டு புதிய நோட்டீஸ் அனுப்பியுள்ளதாக  ஆளுநர் ஆரிப் முகமது கான் தெரிவித்துள்ளார்.  திருவனந்தபுரத்தில் உள்ள ராஜ்பவனில் கடந்த  அக் 24 ம்தேதி  செய்தியாளர்களிடம் பேசிய ஆளுநர், துணைவேந்தர்கள் தங்கள் பதில்களை அடுத்த மாதம் 3ஆம் தேதிக்குள் தாக்கல் செய்ய அவகாசம் அளிக்கப்பட்டுள்ளனர் என்றார். மேலும், இன்று (24ம்தேதி) காலை 11:30 மணிக்கு முன்னதாகவே துணைவேந்தர்கள் ராஜினாமா செய்ய வேண்டும் என்ற தனது உத்தரவை சுட்டிக்காட்டிய ஆளுநர், அவர்களை பதவி நீக்கம் செய்வதற்கு பதிலாக கவுரவமான வழியை பரிந்துரைப்பதாக, அதாவது அவர்களாகவே ராஜிநமா செய்யும் வழியை       பரிந்துரைப்பதாக  கூறியுள்ளார்.

ஏபிஜே அப்துல் கலாம் தொழில்நுட்பப் பல்கலைக்கழகத்துக்கு எதிரான உச்ச நீதிமன்றத் தீர்ப்பு, புதிய துணைவேந்தர்களைத் தேர்ந்தெடுப்பதைத் தவிர வேறு வழியில்லை என்ற நிலைக்கு தன்னை ஆளாக்கியுள்ளது என்று கூறியுள்ள  ஆளுநர், சுப்ரீம் கோர்ட் தீர்ப்பில் எந்த குறையும் இல்லை அல்லது துணைவேந்தர்கள் விஷயத்தில் சாதிய அபிமானமும் இல்லை என்று குறிப்பிட்ட கவ ர்னர், தணைவேந்தரின் தேர்வு மற்றும் நியமன செயல்பாடுகள் சட்டவிரோதமானவை என்றுகூறியுள்ளார்