வெளிப்படையாக ஆயுதப் பயிற்சி எடுக்கும் விஎச்பி- ஹிந்துத்வா!

வெளிப்படையாக ஆயுதப் பயிற்சி எடுக்கும்
விஎச்பி- ஹிந்துத்வா!


வாரணாசியில் உள்ள விஷ்வ ஹிந்து பரிஷத்தின் நிர்வாகி ஒருவர், குங்ஃபூ பயிற்சியுடன், "உரிமம் பெற்ற" வாள்கள், கத்திகள் மற்றும் குச்சிகள் இலவசமாக விநியோகிக்கப்படும் என்று சமீபத்தில் அறிவித்தார், தி ஹிந்து செய்துள்ளது.

வாரணாசியின் பால் உபாசனா கேந்திராவில், லோஹியாநகர் அருகே, சாரநாத் பகுதியில் பயிற்சி அளிக்கப்படுவதாக செய்தித்தாள் செய்தி வெளியிட்டுள்ளது.

sanjay

நீக்கப்பட்டு விட்ட முகநூல் பதிவில், விஎச்பியின் காசி மகாநகர் இணைப் பொதுச் செயலாளர் என்று கூறிக்கொள்ளும் சஞ்சய் இந்து சின்ஹா,

'15 நாட்களுக்கு லத்தி  இலவசப் பயிற்சி, ஒரு மாதம் கத்திகள், ஒரு மாதம் வாள்கள் மற்றும் மூன்று மாதங்களுக்கு குங்பூ பயிற்சி, அதன் பிறகு லத்திகள் மற்றும் கத்திகள் கொண்ட வாள்களுக்கான உரிமம் இலவசமாக வழங்கப்படும்.  பயிற்சி இடம் ஆஷாபூரில் உள்ள லோஹியா நகரில் அமைந்துள்ள பால் உபாசனா கேந்திரா.  வரையறுக்கப்பட்ட இருக்கைகள், இன்றே பதிவு செய்யுங்கள், உறுப்பினர் கட்டணம், 100 ரூபாய்' என குறிப்பிடப்பட்டிருந்தது.

டைனிக் பாஸ்கரின் ஏடு, "இந்த இடுகை டிசம்பர் 3 அன்று முகநூலில் பகிரப்பட்டுள்ளது. இது சமூக ஊடகங்களில் பலமுறை பகிரப்பட்டிருக்கிறது.

இந்து ஏடோ, வாரணாசி காவல்துறை இந்த விவகாரம் குறித்து விசாரணையைத் தொடங்க வாய்ப்புள்ளது என்றும்

வி.எச்.பியின் காஷி பெருநகரத் தலைவர் கன்ஹையா சிங் டெய்னிக் பாஸ்கரிடம் சின்ஹா ​​இந்த அறிவிப்பை தனது தனிப்பட்ட விருப்பமாக வெளியிட்டுள்ளார். மேலும் அந்த அமைப்பு அல்லது எந்தவொரு நிர்வாகிக்கும் இதற்கும் எந்த சம்பந்தமும் இல்லை என்றும் தெரிவித்ததாக கூறியுள்ளது.

ஒன்பது அங்குல நீளமுள்ள  கத்திகளுக்கு ஆயுதச் சட்டத்தின் கீழ் உரிமம் தேவை.

ஆயுத சட்டத்தின் கீழ், உரிமம் இல்லாமல் ஆயுதங்களை எடுத்துச் செல்வது சிறைத்தண்டனை மற்றும் அபராதத்துடன் தண்டிக்கப்படும்.

VHP Workers

ஆயுதச் சட்ட விதிகள், 2016 இன் விதி 8ன் கீழ், துப்பாக்கிகள் அல்லது கூர்மையான விளிம்புகள் கொண்ட கத்திகள்  உள்ளிட்ட ஆயுதங்களுக்கான உரிமம் வைத்திருக்கும் நபர், “பொது இடத்தில் துப்பாக்கிகளை ஏந்துவது அல்லது எடுத்துச் செல்வது அல்லது திருமணம், பொதுக்கூட்டம், விழா, ஊர்வலம் போன்ற ஏதேனும் பொது நிகழ்ச்சியின் போது பாதுகாக்கப்பட்ட பகுதியில் அல்லது ஏதேனும் பொது இடத்தில் துப்பாக்கியை ஏந்துது கூடாது என்கிறது.

பஜ்ரங் தளம் மற்றும் விஎச்பி போன்ற இந்துத்துவா அமைப்புகள் தங்கள் தொண்டர்களுக்கு ஆயுதப் பயிற்சி அளிப்ப து பரவலாக அறியப்பட்ட ஒன்று.

உதாரணமாக, விஎச்பியின் மகளிர் பிரிவான துர்கா வாஹினி, 2018 ஆம் ஆண்டு ஆக்ராவில் ஒரு முகாமை ஏற்பாடு செய்திருந்தது, அங்கு பெண்களுக்கு தற்காப்பு என்ற பெயரில் துப்பாக்கி மற்றும் பிற ஆயுதங்களை சுடுவது எப்படி என்று பயிற்சி அளிக்கப்பட்டது.

ஆயுதப் பயிற்சியை 'உடல் பயிற்சி' என்று விஎச்பி நியாயப்படுத்துகிறது. என்கிறது பைனான்சியல் எக்ஸ்பிரஸ் ஏடு.

இந்த ஆண்டு மே மாதம், கேரளாவின் திருவனந்தபுரத்தில் நடந்த துர்கா வாஹினி பேரணியின் போது, ​​வாள்களைக் ஏந்திச் சென்றதாக 200 பேர் மீது வழக்குப் பதிவு செய்யப்பட்டது

2017 ஆம் ஆண்டில், அசாமில் உள்ள பஜ்ரங் தளம் மற்றும் விஎச்பி தொண்டர்களுக்கு பயங்கரவாதத்தில் ஈடுபட ஆயுதப் பயிற்சி அளிக்கப்படுவதாக காங்கிரஸ் குற்றம் சாட்டியதாக, ஹிந்துஸ்தான் டைம்ஸ் செய்தி வெளியிட்டிருந்தது.  சரியான உரிமம் இல்லாமல் இந்தப் பயிற்சியில் ஈடுபடுபவர்கள் மீது நடவடிக்கை எடுக்க வேண்டும் என்று அது கோரியிருந்தது

மேற்கு வங்க முதல்வர் மம்தா பானர்ஜி, விஹெச்பி தனது பணியாளர்களுக்கு வெளிப்படையாக ஆயுதம் வழங்கியதாக குற்றம் சுமத்தியிருந்தார்.
வலதுசாரி குழுக்கள் கூச்பெஹார் மாவட்டத்திலும் இதைச் செய்ய முயற்சித்ததாகவும், ஆனால் மாநில அரசு அத்தகைய பயிற்சிகளை அனுமதிக்கவில்லை என்றும் கூறினார்.

2019 ஆம் ஆண்டில், புனேவின் பிம்ப்ரி சின்ச்வாட் பகுதியில் நடந்த ஊர்வலத்தின் போது ஏர் கன் மற்றும் வாள்களைக் காட்டி அச்சுறுத்தும் வகையில் ஊர்வலம் சென்றதாக அமைப்பின் உள்ளூர் தலைவர் உட்பட சுமார் 250 விஎச்பி நிர்வாகிகள் மீது போலீஸ் வழக்குப் பதிவு செய்திருந்தது
-அபு